Tribute by Husband in Nzema Language
KUNLANVOLƐ DASƐLƐ ƐLILƐ:
TRIBUTE BY HUSBAND
Sea; sea; sea. Duma mɔɔ mɔɔ mefa mefɛlɛ me ye la ale kɛ, sea. Tɛ Nyevilɛ ɔ, naa kɛ mɔ bɛfɛlɛ ye Cecilia la atiɔ. Menli dɔɔnwo ne ala ka kɛ, sonla kpanlɛ ɛngyɛ, Amuanrɛɛ ɔle nɔhalɛ. Kɛmɔti a ɛtanevolɛma, mɛnli mɔɔ bɔ mgbaanyima aholoba, Ahɔloba, Ahɔdiawuma lualua ɛkɛ ne;
Noko me ye Bɛtɛɛ ɛhye, mɔɔ ɔngbo ɔnwo Edɔkɛ fee, mɔɔ metɔ aleɛ Egua zo bɔbo a ɛnee yeva menwo ɛya la kola fi me sa zahae ɛ. Akɔlɛ mɔɔ butu Egua zo la, kyɛnyema ɛngola bie kye. Kɛmɔti a wɔdwazo ɛma ne mɔ anwo zo ndɛndɛ ɛ. ɛdɛnkɛma a ze a. BIBLE NE HANLE AMGBAA.
ɔse, Dwobu 14:5. Bɛhile sonla mekɛ mɔɔ ɔbali la bɛwie, yɛɛ siane dodo mɔɔ ɔbali la, wɔhyehyɛ wɔdo ɛkɛ, na ɔnrɛhakyi ɛlɛ. nyamenle anloa ɛdwɔkɛ nahalɛ wienyii amgba.
Me diema Nrenya kpanyinli mɔ Bɛfɛlɛ ye Anrate, anzɛɛ Otis la, ɔnee ɔye mɔ bɛfɛlɛ ye olaami la, vɛlɛle me kenle ko kɛ me mɛla bɛnwo ɛkɛ ne wɔɔ Agona- Nrɔnda. Amgba mengɔle. ɔboale kɛ, yeanga ɔsanti mɔɔ yevɛlɛ me la yanngilɛ me.
Mengɔle la ɔzɛlɛ mekɛ, ye vɛlɛ bɛlɛra kenlɛ ma singɔɔnwo bie kɛ ɔrɛla, yemɔ yɛɛ memaa wagya ye a, Me nrɛma bɛnrɛyɛ wɔ koasea biɛko biɛko. Amuanrɛɛ me male ala la yɛɛ ɔzoanle kɛ bɛ wɔvɛlɛ ye a. Alevilenu ala, me ka so me nye a, ɔgyi me nyunlu ɛkɛ ne. ɔnea me a, yeye ɔnye, medame noko me nea ye a, ɛnee mezi meti aze.
Zɔhane fane nsa. Mediema ne zɛle kɛ me va me nye me hilɛ ye dɛba, na wɔmɔ ɛnze ye. Na me niɛle mendole nu.
Siane ko ala yɛ bahɔ yahɔ gya ye, Amgb, yɛ wɔgyale ye wɔɔ sekondi kɛtɛn. ɛkɛ a ɔze wɔ a. Bɛfɛlɛ ye kuntu Blankson. Yɛdoale zo yɛyɛ le ye weden wɔ Aiyinasi Central 1st April, 1990 Sunday.
ɛvolɛ Apenle ko, siane ngɔnla Abula Hɔnla. Overseer Mame Mary Boah Aya a liele ye Atɔfolɛ hɔle ye sua nu a. ɔluakɛ, ɔle menli Adiɛma.
Wɔɔ ye Gyima ɛyɛlɛ nu; ɔmanle menvale ye me manle Mame Adwo wɔ Awiebo, ɔzukya le paano ɛdonlɛ, menkpɔnenle ye naa ɔbɔle ɔbo ɔdonle ye kɛɛ ɛvolɛ nsa la, ɔgyakyile, na ɔzɛle me kɛ, ɔnye gyegye ye. Na Doctor se ɔmakɔ fonlomo senle ne anwo biɛko. Yemɔti Memanle ɔgyagyi le.
Na ɔbɔ le ɔbo kɛ ɔtɔne Gali. ɔdɔnenle Gali too kɔkpula kɛ, ɛnɛ yɛ de ye ɛlɛka nwo la.
Sumunli ɛvolɛ Apenlle nwiɔ Bulu nee Nna yɛɛ anwondolɛ vale Cecilia dole ngyegyelɛ nu a. mene me Mma ne mɔ Bɔle mɔdenle wɔɔ Ayile biala anu. Asopiti ɛhɔlɛ, Aabile Ayile ngakyile, ɔnwo Asɔne ɛyɛlɛ, Anzɛɛ Nzɛlɛlɛ biala ɛne ɛkɛ ne mɔɔ manzɛlɛ wɔɔ Nyamenle ɛkɛ a.
ɔnwo ɛhɔne ɛhyelɛ anaa. Sacred Action church Kpanyinle ne Apostle Blay Ando nee ɔye Apostle Mane Andoh Moalɛ Bebielebee ne. mame Sophia Cudjoe – Jesus is Alive. Bɛ mmoalɛ dɔɔnwo, noko ngyenle ande tolo. Cecilia ɛnde kpɔkɛ ɛdeɛ, noko ɔkɔtɔne ye gali egua kenle biala.
Mendua le ye kɛ, menrɛma ɔnrɛdɔne debie wɔ Egua nu biɛko, kɛ mɔ ye anwosesebɛ ɛha aze la ati ɔ. Noko yeankponle.
ɔse manli tue ye kakɛ, saa yangɔ a bɛnrɛva bɛnrɛra me ne me mma ne mɔ yɛle adwenle ko kɛ bɛko ye ɛponle ne bavi Egua ne anu bieko. Noko Yankponle bɛ fee.
Siane Nna mekɛnu Ansana ɔbawu la, ɔse, ɔka kpala ye mama kenle nsa naa yadoa zo yehɔkpola ɔra ralɛ wɔ wasa Atieku, Yali Dapɛne ko na yara. Mengya kylie ye adenle yɛɛ mengɔle me District Tiboko – 2 Mpae ɛbɔlɛ a. Amuanrɛɛ ɔfa ɔnwo yahile ye Abusua, Yali nrɛlaleɛ la ati ɔ.
Nrɛlaleɛ mɔɔ mendele a le kɔ, Cecilia angola Anvi kalo ne anu andwu aze wɔɔ atieku car- station ɛkɛ.
Naa Asopita yyɛ kɛkala ɔwɔ a. Bɛyɛle biala siane nsa yeanyɛ boɛ. Yɛ ne ye ralɛ Eikwe nee Menzezor Asopiti no Nyamenle see ɔhyia ɛkɛla ne a, Awie biala ɛnee ɛkɛ ne mɔɔ ɔkola ɔsi ye adenle a.
(Asafo Mame Cecilia) Ralɛ bɛtɛɛ, Ralɛ mɔɔ ɔze ɔhu angomekyenyi alaa. Ralɛ kenlɛma mrɔ ɔbu sonla a. Nyamenle ɛva wɔ ɛkɛla ɛzie boa, na kenlebie yebayie wɔ Anumnyam nu. Me ze ye wienyi kɛ, ye zɔ wɔ nu dɛba dɛbae. Amen.
